बिरसा मुंडा कृषि क्रांती योजना

योजनेचे उद्दीष्ट-

जिल्ह्यातील अनुसूचित जमातीतील शेतकऱ्यांच्या उत्पन्नात वाढ करून जीवनमान उंचावणे व त्यांना स्वयंपूर्ण  करणे.

अनुज्ञेय लाभ –

बिरसा मुंडा कृषि क्रांती योजना (क्षेत्राबाहेरील) अंतर्गत लाभार्थ्यास नवीन विहीर रु. 400000/-, जुनी विहीर दुरुस्ती रु. 1,00,000/-, शेततळ्याचे प्लॅस्टीक अस्तरीकरण  रु. 2,00,000/-, वीज जोडणी आकार रु. 20,000/-, ठिबक सिंचन संच रु 97,000/- (पुरक अनुदान) किंवा तुषार सिंचन संच रु.47,000/- (पुरक अनुदान), पंपसंच डिझेल/विद्युत-40,000/-, पीव्हीसी/एचडीपीई पाईप- 50,000/-, परसबाग-5000/-, इनवेल बोअरींग-40,000/-, सोलार पंप (विज जोडणी आकार व पंप संच ऐवजी) 50,000/-, विंधन विहिर -50,000/-, यंत्र सामग्री (बैल चलीत/ट्रॅक्टर चलीत औजारे)-50,000/- (पुरक अनुदान) असे पॅकेज स्वरूपात किंवा मागणी प्रमाणे घटकाचा लाभ देण्यात येईल.

लाभार्थी निवड निकष

1. लाभार्थीहा अनुसूचित जमातीचा शेतकरी असला पाहिजे.
2. शेतकऱ्याकडे सक्षम प्राधिकाऱ्याने दिलेले जात प्रमाणपत्र असले पाहिजे.
3. शेतकऱ्यांचे नावे जमिन धारणेचा7/12 दाखला व 8-अ चा उतारा असणे आवश्यक आहे.
4. लाभार्थ्यांकडे आधार काडे असणे आवश्यक आहे. लाभार्थ्यांचे बँक खाते असावे व सदर बँक खाते आधार कार्डशी संलग्न असणे आवश्यक आहे.
5. नविन विहिरी बाबत रु.4 लाख अनुदान मर्यांदेपर्यंत विहिरीची खोली असावी.
6. महाराष्ट्र भुजल (पिण्याच्या पाण्यासाठी विनियमन) अधिनियम 1993 च्या कलम 3 नुसार अस्तित्वातील पेय जल स्त्रोताच्या 500 मी. परीसरात नविन विहीर घेण्यास प्रतिबंध असल्यामुळे अस्तित्वातील पेय जल स्त्रोताच्या 500 मी. परीसरात सिंचन विहिर अनुज्ञेय नाही.
7. नविन विहिर या घटकाचा लाभ घेतलेल्या लाभार्थ्यास 20 वर्षानंतर जुनी विहिर दुरुस्ती या घटकाचा लाभ देण्यात येईल.
8. शेततळयाचे प्लॅस्टीक अस्तरीकरण या घटकाचा लाभ मागेल त्याला शेततळे या योजनेबरोबरच इतर योजनेतर्गंत शेततळयाचा लाभ घेण्यात आलेल्या तसेच स्वखर्चाने शेततळे केलेल्या शेतकऱ्यांना देखील अनुज्ञेय असेल.
9. सदर योजनेंतर्गत लाभार्थ्यास नवीन विहीर, जुनी विहीर दुरुस्ती किंवा शेततळ्याचे प्लॅस्टीक अस्तरीकरणयापैकी एकाच घटकाचा लाभ देय राहील.

योजनेचा लाभ घेण्यासाठी महा-डीबीटी पोर्टलचे https://mahadbtmahait.gov.in  हे संकेत स्थळ आहे. या संकेत स्थळावरील शेतकरी योजना हा पर्याय निवडावा. सदर योजनेबाबत अधिक माहिती जाणुन घेणेसाठी आपल्या नजीकच्या पंचायत समितीतील कृषि अधिकारी यांच्याशी संपर्क साधावा.

लाभार्थी:

जिल्ह्यातील अनुसूचित जमातीतील शेतकरी.

फायदे:

नवीन विहीर