लेक लाडकी योजना

योजनेचे स्वरूप
1 एप्रिल 2023 रोजी अथवा नंतर जन्माला येणा-या मुलीसाठी महिला आणि बाल विकास, महाराष्ट्र शासनातर्फे सर्वप्रथम ‘लेक लाडकी’ योजनेची अंमलबजावणी सुरू झाली आहे.

या योजनेची काही प्रमुख उद्यिष्ठे पुढीलप्रमाणे आहेत:

• मुलीच्या जन्मास प्रोत्याहन देऊन मुलीचा जन्मदर वाढविणे
• मुलीच्या शिक्षणास चालना देणे.
• मुलीचा मृत्युदर कमी करणे व बाल विवाह रोखणे
• कुपोषण प्रमाण कमी करणे
• शाळाबाहय मुलीचे प्रमाण 0(शुन्य) वर आणण्यासाठी प्रोत्साहीत करणे

सदर योजनेतर्गत खालील अटी शर्ती व त्याकरीता नमुद आवश्यक कागदपत्रे यांच्या आधारे पिवळया व केशरी शिधापत्रिकाधारक कुटुंबात मुलीच्या जन्मानंतर 5 हजार रुपये, इयत्ता पहिलीत 6 हजार रुपये, इयत्ता सहावीत 7 हजार रुपये, इयत्ता अकरावीत 8 हजार रुपये तर लाभार्थी मुलीचे वय 18 वर्ष पुर्ण झाल्यानंतर तिला 75 हजार रुपये याप्रमाणे एकुण 101000/- एवढी रक्कम देण्यात येणार आहे.

लाभार्थी पात्रतेचे अटी व शर्ती
“लेक लाडकी” या योजनेमध्ये लाभार्थीच्या पात्रतेच्या अटीव शर्ती खालीलप्रमाणे आहेत.

1. ही योजना पिवळया व केशरी शिधापत्रिकाधारक कुटुंबामध्ये दि.01 एप्रिल 2023 रोजी वा त्यानंतर जन्माला येणा-या एक अथवा दोन मुलीना लागु राहील. तसेच, एक मुलगा व एक मुलगी असल्यास मुलीला लागु राहील.
2. पहिल्या अपत्याच्या तिस-या हप्त्यासाठी व दुस-या अपत्याच्या दुस-या हप्त्यासाठी अर्ज सादर करते वेळी माता/पित्याने  कुटुंब नियोजन प्रमाणपत्र सादर करणे अनिवार्य राहील.
3. तसेच, दुस-या प्रसुतीच्या वेळी जुळी अपत्ये जन्माला आल्यास एक मुलगी किंवा दोन्ही मुलीना या योजनेचा लाभ अनुज्ञेय राहील. मात्र त्यानंतर माता/पित्याने कुटुंब नियोजन प्रमाणपत्र सादर करणे आवश्यक राहील.
4. दिनांक 01 एप्रिल 2023 पुर्वी एक मुलगी/मुलगा आहे व त्यानंतर जन्माला आलेल्या दुस-या मुलीस किंवा जुळया मुलीना (स्वंतत्र) ही योजना अनुज्ञेय राहील. मात्र माता/पित्याने कुटुंब नियोजन प्रमाणपत्र सादर करणे आवश्यक राहील.
5. लाभार्थीचे कुटुंब महाराष्ट्र राज्याचे रहिवाशी असणे आवश्यक राहील.
6. लाभार्थी बँक खाते महाराष्ट्र राज्यात असणे आवश्यक आहे.
7. लाभार्थी कुटुंबाचे वार्षिक उत्पन्न रक्कम रु.1 लक्ष पेक्षा जास्त नसावे.

आवश्यक कागद पत्रे

1. लाभार्थीचा जन्माचा दाखला.
2. कुटुंब प्रमुखाचा उत्पन्नाचा दाखला (वार्षिक उत्पन्न 1 लाखापेक्षा जास्त नसावे.) याबाबत तहसिलदार/सक्षम अधिकारी यांचा  दाखला
3. लाभार्थीचे आधार कार्ड (प्रथम लाभावेळी ही अट शिथील राहील)
4. पालकाचे आधार कार्ड
5. बँकेच्या पासबुकच्या पहिल्या पानाची छायांकित प्रत
6. रेशनकार्ड (पिवळे अथवा केशरी रेशन कार्ड साक्षांकित प्रत)
7. मतदान ओळखपत्र (शेवटच्या लाभाकरिता 18 वर्ष पुर्ण झाल्यांनंतर मुलीचे मतदार यादीत नाव असल्याचा दाखला)
8. संबंधित टप्यावरील लाभाकरीता शिक्षण घेत असल्याबाबतचा संबंधित शाळेचा दाखला
9. कुटुंब नियोजन शस्त्रक्रिया प्रमाणपत्र (“ अ ” येथील अटी शर्तीमधील क्रमांक 2 येथील अटीनुसार)
10. अंतिम लाभाकरीता मुलीचा विवाह झालेला नसणे आवश्यक राहील,(अविवाहीत असल्याबाबत लाभार्थीचे स्वंय घोषणापत्र).

 

लाभार्थी:

1 एप्रिल 2023 रोजी अथवा नंतर जन्माला येणा-या मुलीसाठी

फायदे:

सदर योजनेतर्गत खालील अटी शर्ती व त्याकरीता नमुद आवश्यक कागदपत्रे यांच्या आधारे पिवळया व केशरी शिधापत्रिकाधारक कुटुंबात मुलीच्या जन्मानंतर 5 हजार रुपये, इयत्ता पहिलीत 6 हजार रुपये, इयत्ता सहावीत 7 हजार रुपये, इयत्ता अकरावीत 8 हजार रुपये तर लाभार्थी मुलीचे वय 18 वर्ष पुर्ण झाल्यानंतर तिला 75 हजार रुपये याप्रमाणे एकुण 101000/- एवढी रक्कम देण्यात येणार आहे.